besoigne devant dite, et quant ele fu acordée et afinée, li empereres vout estre reconciliez à sa fame et à celui Walle premierement, car il avoient eue sa male volenté pour aucunes raisons dont l’estoire a devant parlé, et tout maintenant leur pardona quanque il avoient vers lui mespris, et manda Lothaire son fil par ces messages maismes que il venist à lui, et se il le fesoit, ce seroit ses preuz.
Arrieres retornerent li message et conterent à Lothaire ce que ses peres li mandoit, et que il venist à lui ; mais il ne pout à cele foiz pour une maladie qui le prist, ne demora pas puis moult longuement que cil Walla acoucha malades et morut[1]. Lonc tens langui Lothaires de cele maladie, et li empereres qui par nature estoit piteus et compaciens fu moult dolenz quant il sout que ses fiuz estoit chauz en languor. Huon son frere et le conte Algayre envoia là pour li visiter et vout savoir comment il li estoit, et leur commanda que il li raportassent certaineté de son estat, à l’example du roi David qui moult fu dolenz de la mort Absalon son fil qui tant li avoit fait de maus et de persecutions.
Quant Lothaires fu eschapez de cele maladie et il fu du tout gariz, il fu conté à l’empereor que il avoit routé la pais et la concorde que il avoit promise, et que il gastoit ja durement la terre de l’eglise de Saint Pere de Rome, et ocioit les homes que Pepins ses aieus et
- ↑ D’après A. Himly, Wala et Louis le Débonnaire, p. 202, note 3, Wala serait mort en septembre 836. B. Simson (Jahrbücher des fränkischen Reichs unter Ludwig dem Frommen, t. II, p. 156) dit qu’il mourut à la fin du mois d’août, ou au plus tard avant le milieu du mois de septembre.
Sancti Benedicti, sæc. iv, pars i, p. 517. Cf. Himly, Wala et Louis le Débonnaire, p. 202).
