Page:Viard - Grandes chroniques de France - Tome 4.djvu/162

quarantaine, dona congié à chascun de retorner en sa contrée ; mais il ne se mut de la vile jusques vers la fin du caresme. A Mez fist la sollempnité de la Resurrection. Après la Penthecoste ala tenir general parlement en la cité de Warmaise^[1]. A cele assemblée furent si dui fil, Pepins et Looys ; lors n’entrelessa pas li empereres que il ne pensast du profit de la chose commune, selonc sa costume, car il fist avant venir les messages que il avoit envoiez par tout le roiaume, et enquist diligemment à chascun comment il avoit esploitié. Et quant il sot que aucun de ses contes avoient esté lasche et pareceus en leur terres garder et en prendre venjance des larrons et des maufeteurs, il les dampna de diverses sentences et les pugni de tiex paines com il avoient deservi par leur pareces. (^[2]Si doit-on ci entendre que ce n’estoient pas conte qui fussent prince, ne haut home qui tenissent les contéez par heritage, ainz estoient ausi comme baillif que l’on ostoit et metoit à tens et pugnissoit de leur meffaiz quand il le deservoient.) Et si releva et aleja les preudeshomes que si fil avoient mal menez et grevez à tort, et blasma et reprist ses fiuz des gries que il fesoient à ceus que il devoient garder et leur defendi que plus ne le feissent se il ne voloient estre inobedient à ses commandemenz, et se il le fesoient il l’amenderoit selonc droit jugement. Atant fina li parlemenz ; mais avant que il departist, en fist un autre crier après Pasques à Theodone. Après ces choses se traist pour yverner à Es la Chapelle. A son fil Lothaire manda que il li en-

1. C’est le placite de Crémieu (voir ci-dessus, p. 130, note 1).
2. Cette parenthèse est de l’auteur des Grandes Chroniques, qui fait comprendre ainsi que les comtes, sous les Carolingiens, n’étaient que des fonctionnaires.