de ses barons et de ses prelaz, et parole en tele maniere en sa propre persone.
« Je Looys, Cesar et empereres Augustes de l’empire des Rommains, par la grâce de Dieu. Com je governasse le pople du monde qui est souzmis à l’empire de Rome et je feisse plus grant lasche de justice[1] pour misericorde que je ne deusse vers aucuns de mes genz, cil meismes que je avoie ensi laschiez et donée la vie que il avoient meffaite par droit, furent de si très grant cruauté, que il ne s’esmurent pas tant seulement contre moi, ainz mistrent mes chiers enfanz en tel forsenerie que il meismes geterent les mains en moi et me mistrent en prison, moi et mon petit fil, et ma fame Judit envoierent en essil.
Tormentez fui et grevez par ceus à cui je n’avoie fait nul grief ; mais toutes voies portoie-je ces maus plus pacienment pour ce que il me sembloit que la venjance Nostre Segneur me pugnisist en tele maniere pour mes pechiez. En la cité de Soisons fui amenez, en l’abbeïe et ou couvent de mes segneurs saint Mahart et saint Sebastien. Et pour ce que il savoient bien que je amoie moult le lieu, il se conseillierent et cuiderent que je me demeisse de ma volenté, de mes armes et de mon ceptre, par aventure, après si grant tribulation et si grant desconfort. Et quand il m’orent laienz mis en estroite prison pour parfaire ce que il avoient devant pourparlé, il envoierent à moi aucuns de leur menistres et me firent entendant que l’empe-
- ↑ Faire plus grant lasche de justice, appliquer la justice avec moins de rigueur, plus négligemment… On a dans le texte latin « cum late in populos juris habenas immoderatius relaxavissem ».
