defaut et par sa perece. La terre que il ot tenue departi en iiii, et la livra à garder à iiii contes[1]. Mais il emploia mauvesement la grâce que il fist à ceus qui le cors et la vie avoient meffaite par droit, car en guerredon de si grant benefice, comme de la vie doner, furent armé contre lui de toute cruauté et de toutes desloiauté, si comme l’estoire contera ci après.
En ce tens, vindrent d’outre-mer Haluthaires[2], evesques de Cambray, et Enfroiz, abbés de Nantule. Moult se looient de Michiel, l’empereor de Costantinoble, qui moult honorablement les avoit receuz.
Au tens d’esté tint parlement li empereres à Hegelinham[3] ; là reçut dons et presenz par les messages de l’eglise de Rome, Quirin et Theophile[4] ; honorablement les reçut et congea. De là, se parti après ce parlement et s’en ala à Theodone[5]. Renomée crioit lors que Sarazins devoient venir es marches d’Espagne. Pour ce, commanda son fil Lothaire que il se traisist vers ces parties et feist ost des François austrasiens. Ensi le fist com il li fu commandé ; son ost conduist jusques à Lyons seur le Rone, là atendi i message que il ot avant envoié pour savoir la certaineté des Sarazins. Tandis com il demoroit là, Pepins ses freres vint à li parler.
- ↑ « Et ce fist l’emperiere pour ce que touz jours son cuer et sa volenté estoit de estre à un chascun misericors en lui pardonnant son meffait, mais que humblement se retournast par devers lui » (royal ms. 16 G VI, fol. 202, en note).
- ↑ Halitcharius ou Halitcarius occupa le siège de Cambrai de 817 à 831. Sa mission auprès de Michel, avec l’abbé de Nonantole, eut lieu, d’après les Annales d’Éginhard, en 828.
- ↑ Hegelinham, Ingelheim.
- ↑ « Quirinum primicerium et Theophilactum nomenclatorem. »
- ↑ « Theodonis villa », Thionville.
