retorna à Rome ; là celebra la Resurrection à grant joie et à grant sollempnité.
[1]Tandis com il demoroit à Rome, Thassiles, li dux de Baiviere envoia messages à l’apostoile Adrien. Cil message furent uns evesques qui avoit non Harnum[2] et uns abbés qui estoit nomez Horri[3]. Par els li requeroit que il fust maenierres[4] de la pais entre li et le roi Challes. Li apostoiles, qui de ce fu moult liez, reçut volentiers ses proieres[5], au roi requist et amonesta de l’auctorité saint Pere, que il receust la pais et la concorde du duc Thassile ; et li rois li respondi que moult très volentiers le feroit. Lors fu demandé aus messages quel seurté il donroient de la confirmation de la pais, et il respondirent que on ne lor avoit riens encharchié de ceste chose et que de ceste besoigne ne pooient autre chose faire, fors de raporter à lor seigneur lor paroles et lor respons. De ce fu li papes Adriens moult esmeuz et les apela faus et decevables,
- ↑ Annales d’Éginhard, année 787.
- ↑ Harnum, Éginhard Arnum. Arnon, d’après le Recueil des historiens des Gaules et de la France, t. V, p. 208, note e, était évêque de Salzbourg. Il occupa ce siège depuis l’année 785 jusqu’à sa mort survenue le 24 janvier 821.
- ↑ Horri, Éginhard Hunricus, Heinricus. Henri, abbé du monastère de Mondsee (Autriche) à l’est de Salzbourg, d’après le Recueil des historiens des Gaules et de la France, t. V, p. 208, n. e.
- ↑ Maenierres, médiateur.
- ↑ Le royal ms. 16 G VI, fol. 133 vo, ajoute ici, en marge, « et de tout son povoir, à très grant instance », pour traduire le latin « sed quanta potuit instantia ».
