firent homage et obedience pour tot le commun du païs.
Quant li rois ot tant fait que il ot sozmises totes les estranges nations qui à li marchissoient, et il ot pais mise par tout son roiaume, il appareilla son erre[1] pour aler à Rome en propos de visiter les apostres, et de conquerre une partie d’Ythalie qui est apelée la province de Bonivent[2], car il li sembloit que ce fust chose bien seant que li membres fust joinz au chief, et que cele partie du roiaume d’Ythalie fust de sa seigneurie quant il en tenoit le chief dès icele heure que il ot conquis le roi Desier. A ceste besoigne comencier ne vot pas faire longue demore ; ses oz assembla et entra en plain yver es plains de Lombardie. La Nativité celebra en la cité de Florence ; au plus tost que il pot après ala à Rome. Là le reçut li papes Adriens et toz li poples moult honorablement, puis ot conseil à l’Apostoile et à ses barons d’entrer en la province de Bonivent. Mes Aragises[3], li dux de cele contrée qui ja ot senti son avenement et fu certains que il voloit entrer en sa terre, li cuida changier son propos, car il
- ↑ Il appareilla son erre, il prépara son voyage.
- ↑ La province de Bénévent était tombée en 571 au pouvoir des Lombards.
- ↑ Arachis, gendre de Didier, roi des Lombards, s’était érigé en souverain dans le duché de Bénévent en 774, après la chute du royaume de Lombardie. D’après le Catalogus regum Langobardorum et ducum Beneventanorum et les Chronica Sancti Benedicti Casinensis, il ocupa le siège de ce duché pendant vingt-neuf ans et cinq mois (Mon. Germ. hist., Scriptores rerum langobardicarum, p. 487, 488 et 494. Voir encore, pour les événements auxquels on fait allusion dans ce paragraphe, Ibid., p. 214, chap. lxii).
