receu plus grant domage que il n’avoit, esmurent armes contre lui ; jusques au Rim aprochierent. Mais quant il ne porent passer, il mistrent à destruction tot le païs par feu et par occision. Viles et hamiaus proierent ; les mostiers craventoient et ardoient ; homes et fames occioient, enfanz et virges tot communaument, sanz difference de sexe et d’aage ; si que l’on pooit vooir tot apertement que il n’estoient pas tant seulement meu pour preer ne por rober, mais pour venchier le sanc et l’occision que François avoient tantes fois faiz de lor gent. Si dura ceste persecution dès une cité qui a non Nyce jusques au flueve de la Mousele[1]. Et si come aucunes croniques dient ci endroit, il firent ce domage au roi par le conseil celui Guithechim, duquel nous avons lassus parlé[2]. Ces noveles furent au roi contées ou retor d’Espagne, en la cité d’Aucuerre. Tot maintenant commanda que li François Austrasien et li Alemant fussent contre els envoié ; ses oz departi atant et s’en ala por yverner en la cité de Haristalle. Li François Austrasien et li Alemant, qui contre les Saines furent envoié, chevauchierent à grant esploit et se hastoient pour savoir se il les peussent trover en lor contrées. Mais cil s’estoient ja mis au retor avant que il parvenissent là. Après els chevauchierent hastivement et les atainstrent ou païs des Hassiens, si come cil s’en aloient, droit à une iaue
- ↑ « Quicquid a Diutia civitate usque ad fluentem Mosellæ ». Diutia désigne aujourd’hui Deutz, Allemagne, Prusse rhénane, district de Cologne, en face de cette dernière ville.
- ↑ Les Annales Laurissenses (voir Pertz, Mon. Germ. hist., Scriptores, t. I, p. 158) disent : « Per suasionem supradicti Widokindi, vel sociorum ejus ». Cf. Annales Tiliani et Annales Fuldenses (Ibid., p. 221 et 349).
