[1]Quant li prinstens fu retornez et la saison renovelée, li rois assembla parlement des barons et du pople après la feste de la Resurrection pour ostoier en Saisoigne, car il n’avoit point de fiance ou sairement ne es promesses de la desloiau gent du païs. Quant il fu là venuz, il trova les plus granz et les plus anciens de la terre, humbles et obeissanz par semblant ; mais il avoient autre chose es cuers que il ne mostroient par dehors. Tuit vindrent, fors Guitichim[2] ; cil estoit uns des princes de Hoistephale[3]. Au roi n’osa venir pour ce que il se sentoit corpables et mesfaiz en moult de cas, ainz s’enfui à Sigifroi le roi de Danemarche. Tuit cil qui là vindrent au roi li requistrent merci et misericorde par tel condition, que se il brisoient plus ses statuz et ses commandemenz, que il perdissent lor franchise et fussent toz jors mais de serve condition. Une partie en fist li rois baptizier, qui requeroient baptesme plus pour acquerre la grace li roi que il ne fesoient pour le salu de lor ames, car il le mostrerent bien après.
Là meesmes vint au roi uns Sarrazins espagneus[4] ;
- ↑ Annales d’Éginhard, année 777.
- ↑ Guitichim, Witikind, qui, baptisé en 785 à Attigny, conserva sa dignité de chef en Saxe et fut tué, en 807, dans un combat contre le duc de Souabe. Il est honoré comme bienheureux dans l’église le 7 janvier (voir Acta Sanctorum, janvier, t. I, p. 380 à 385).
- ↑ Hoistephale, Westphalie.
- ↑ D’après quelques Annales, deux émirs sarrasins seraient venus auprès de Charlemagne, « ad eumdem placitum venientes Sarraceni de partibus Spaniæ ; hii sunt, Ibinalarabi et filius Dejuzefi qui et latine Joseph nominatur » (Recueil des historiens des Gaules et de la France, t. V, p. 19. Cf. p. 40 et 319). Reinaud, dans son ouvrage sur les Invasion des Sarrazins en France, p. 94, n. 3, dit que les auteurs arabes ne s’accordent pas sur le nom de l’émir, gouverneur de Saragosse ; les uns l’appellent Soleyman Ebn Jaktan Alarabi, les autres Motraf Ebn Alarabi.
