ser ne par dedenz ne par defors, ne de riens adomagier, ainz orent si très grant paor que il tornerent tuit en fuie, ja soit ce que nus ne les chaçast que l’on peust veoir ne apercevoir. Mais li uns d’els i demora qui fu trovez toz morz, acoutés et à genouz delez la chapele, le feu devant lui et la bouche entre les mains, ausi come se il souflast le feu pour la chapele embraser.
Quant li rois oï ces noveles, il esmut ses oz hastivement[1], en iii parties les devisa, et entra en lor contrées par iii lieus tot avant que il le seussent ; par feu et par occision destruist et gasta tot devant lui ; ceus qui à defense se metoient occist. Atant retorna en France charchiez des proies et des despoilles de ses anemis. La feste de Noël et de Pasques celebra en une vile qui a non Karisi.[2]Tandis com il yvernoit là, il se porpensoit et se conseilloit coment il porroit entrer en Saisoigne plus legierement, et destruire et asorber de tot en tot cele desloial generation, et tant maintenir la guerre que il fussent confondu ou que il receussent la foi crestiane. Pour ce assembla parlement general à une vile qui a non Durie ; ses oz esmut, le Rim passa et entra en Saisoigne à grant force. En sa venue prist i chastel à force, qui avoit non Sigiburc[3], si estoit moult forz et de siege et de garnison. Un autre, qui
- ↑ D’après les Annales Laurissenses, année 774, Charlemagne aurait envoyé quatre armées en Saxe, « mittens quatuor scaras in Saxoniam, tres pugnam cum Saxonibus inierunt ».
- ↑ Annales d’Éginhard, année 775.
- ↑ Sigiburg désignerait, d’après Pertz, Monumenta Germaniæ historica, Scriptores, t. I, p. 153, n. 59, un château détruit situé sur un rocher en Westphalie, au confluent de la Ruhr et de la Lenne : Hohensyburg, d’après Mühlbacher, Regesta imperii, t. I, p. 73.
