ne fu pris ; mais il se garanti par les destroiz et par les fortereces des liex que il cognoissoit, où l’on ne pooit pas legierement ne seurement entrer. A la parfin guerpi tot le païs et s’enfui au duc Lup de Gasoigne[1], en sa garde se mist et li requist que il le garantisist. Mais li rois, qui sot que il s’en fu là fuiz, manda au duc que il li rendist son traitor et son fuitif, et se ce ne fesoit, bien seust-il que il entreroit en Gascoigne o tot son ost, ne ne s’en partiroit jusques à tant que il se fust de li venchiez. Mais li dux Luppes qui forment douta le roi li envoia le duc Hunauz, sa fame et ses enfanz et li manda que il estoit toz prez d’obeir à li et d’acomplir toz ses commandemenz. Li rois atendi les messages ou lieu maismes dont il estoient meu et i fonda tandis un chastel qui a non Frontenoi[2], sor la riviere de Dordone. Quant li message furent retorné et il li orent le duc Hunaut rendu, sa fame et ses enfanz, et li chastiaus fu fondez et auques edifiez, il retorna en France, la sollempnité de la Nativité celebra en une vile qui lors estoit apelée Durie[3], et cele de la Resurrection à Saint Lambert du Liege.
[4]En une cité, qui lors estoit apelée Garmacie[5], assembla li rois general parlement du pople et des
- ↑ On n’a pas de données certaines sur ce duc Loup. C’est n’est que par conjecture que de Jaurgain (la Vasconie, t. I, p. 60) en fait un fils d’Eudes.
- ↑ Auj. Fronsac (Frontiacus), Gironde, arr. de Libourne, ch.-l. de cant.
- ↑ Durie, auj. Düren, Prusse rhénane, près d’Aix-la-Chapelle.
- ↑ Annales d’Éginhard, année 770.
- ↑ Garmacie, auj. Worms, Allemagne, grand-duché de Hesse-Darmstadt.
