[1]Après le decès le roi Pepin regnerent si dui fil Kallemanne et Karellemaines et departirent le roiaume en tel maniere que chascuns regna en sa partie.[2]La premiere guerre que il enprist si fu contre le duc Gaifier d’Aquitaine[3], que ses peres le rois Pepins n’avoit pas encore bien menée à fin, si come nous proposons à dire ci après plus plainement.
[4]Quant cele guerre fu finée et du tot achevée, il enprist après bataille contre les Lombarz[5], à la priere l’apostoile Adrien, pour ce que il deseritoient l’eglise de Rome. Cele guerre maismes avoit commencié li rois Pepins ses peres, à la requeste l’apostoile Estiene, contre le roi Haistufle que il assist en la cité de Pavie, et le contrainst à ce que il jura à rendre à l’eglise de Rome tot quant que il avoit tolu. Mais li rois Karlemaines, puis que il ot la guerre enprise, ne fina jusques atant que il ot pris le roi Desier et son fil Adagise et envoiez en essil, et Ruodgause, le prevost de la duchée d’Aquilée[6], qui contre lui apareilloit guerre. De tot le
- ↑ Éginhard, Vita Karoli Magni, chap. iii.
- ↑ Éginhard, Vita Karoli Magni, chap. v.
- ↑ Cette guerre, non contre Waïfre, qui avait été assassiné le 2 juin 768, mais contre Hunald, eut lieu en 769.
- ↑ Éginhard, Vita Karoli Magni, chap. vi.
- ↑ La première campagne de Charlemagne en Lombardie eut lieu en 773 et en 774.
- ↑ « Hruodgausum Forojuliani ducatus præfectum » (Éginhard). C’est le duché de Frioul qui est désigné ici, et c’est en 776 qu’eut lieu la campagne contre Hruodgaud.
