cuens du palais li amenistroit tiex despens com il cuidoit bien faire. Riens propre n’avoit, fors que une petite vilete de petit afaire et i manoir où il sejornoit toz jors yver et esté, et aucunes rentes dont il pooit tenir aucuns serjanz pour li servir et pour aministrer ce que li covenoit. Se il aloit en aucun lieu par aucune aventure, il se fesoit traire en un carrot à bues ou à bugles, ausi come i païsanz[1] ; ensi aloit ou palais ou à la commune assemblée du pople, qui une foiz en l’an estoit faite pour le commun porfit du roiaume. Après retornoit à sa maison et demoroit là toute l’année, et li cuens du palais procuroit totes les besoignes du roiaume et loinz et près.
[2]En tel estat estoit li rois Hildris aus jors que il fu desposez, et li princes Pepins, peres Kallemanne, tenoit la seignorie du palais ausi come par heritage, car ses aiex Pepins li Briés[3] et ses peres Karles Martiaus l’avoient ausi devant li tenue, et avoit delivrée tote France de Sarrazins et de mescreanz par ii batailles, dont l’une fu faite en Aquitaine delez la cité de Poiiers, et l’autre en Narbonnois sor le fleuve de Bierre[4]. En si très grant plenté estoient Sarrazins venu des contrées d’Espagne, que il en occist en une bataille
- ↑ Le phrase d’Éginhard : « Carpento ibat, quod bubus junctis, et bubulco rustico more agente, trahebatur », est mal traduite par l’auteur des Grandes Chroniques. Il n’est pas question de « bugles », mais du bouvier qui conduisait les bœufs à la manière des paysans.
- ↑ Éginhard, Vita Karoli Magni, chap. ii.
- ↑ C’est Pépin d’Héristal.
- ↑ « Juxta Narbonam apud Birram fluvium » (Éginhard). C’est la bataille livrée aux Sarrasins par Charles-Martel sur la Berre, près de l’étang de Sigean (Aude). Voir t. II, p. 232.
