Page:Viard - Grandes chroniques de France - Tome 3.djvu/278

voies Nostre Seigneur repostes. O ! com est benooite la sainte compagnie des champions Nostre Seigneur qui pas ne vot que lor merites soient peries, car ja soit ce que il ne fussent pas occis par les glaives de lor anemis, ne perdirent-il par pour cela victoire de martyre. Quant Forrez et sa gent fu ensi occis, Karlemaines prist le chastel de Monjardin et toute la terre de Navarre.

VII.

Coment Fernaguz, li jaiant, vint contre Karlemaine, d’outre la mer, de sa force et de sa grandor, et puis coment il emporta les barons Karlemaine en la cité de Nadres, l’un arpès l’autre ; coment Rolant se combati à li toute jor, et puis coment il demanda trives à Rolant pour dormir et coment Rolant li mist la pierre soz le chief pour ce que il ronfloit.

^[1]Ces choses ensi faites, noveles furent dites à Karlemaine que Fernaguz, uns geanz du lignage Golie^[2], estoit venuz en la cité de Nadres^[3] des contrées de Surie^[4]. Si l’avoit envoié li amirauz de Babyloine contre Karlemaine, por defendre la terre d’Espagne, a tout xx^m Turs. De si grant vertu estoit que il avoit la force de xl forz homes ; cop d’arme, de lance ne de saiete ne dotoit.

Là vint Karlemaines, au plus tost que il pot. Quant li geanz sot que il venoit, il oissi hors du chastel de la cité touz armez et demanda bataille d’un seul che-

1. Turpini historia Karoli magni, chap. xvii.
2. Latin : « De genere Goliath. »
3. Nadres, auj. Najera, prov. de Logroño.
4. « De oris Syriæ. »