des ii martyrs Facundes et Primitif[1], et une abbaïe où li cors des ii martyrs reposent, puis i out-il vile grant et plenteureuse qui siet en ce lieu meismes[2]. Tant chevaucha Karlemaines que les ii oz s’entraprochierent. Lors manda Aygolant bataille à Karlemaine en tel maniere come il vorroit, xx contre xx, xl contre xl, ou c contre c, ou m contre m, ou i contre i. Et Karlemaines envoia c crestiens contre c Sarrazins ; si furent tantost occis li Sarrazins ; et puis en renvoia Aygolant autres c qui refurent occis tantost. A la parfin, en envoia Aygolant iim contre ii mil, dont li i en furent occis et li autre s’enfuirent. Quant Aygolant vit que il perdoit ensi sa gent en toutes manieres, si jeta ses sorz priveement[3] et trova que Karlemaine perdroit. Lors li manda bataille planiere à l’endemain, et Karlemaines la reçut et fu otroié d’une part et d’autre. Aucuns des crestiens apareillierent lor armes moult bien et moult bel pour combatre à l’endemain, et fichierent au soir lor lances en terre devant les herberges, en mi la praerie, selonc le devant dit flueve, et au matin les troverent reprises en terre et covertes d’escorce et de fouilles ; les lances tant seulement de ceus qui devoient martyre recevoir pour la foi Jhesu Crist. Lors se merveillierent plus que nus ne porroit cuider et atornerent toutes voies ce miracle à la loenge Nostre Seigneur. Les lances coperent après terre, et li estoc qui demorerent moultiplierent puis grant bos, qui jusques aujord’hui apert encores en
Page:Viard - Grandes chroniques de France - Tome 3.djvu/257
Le texte de cette page a été corrigé et est conforme au fac-similé.
