Page:Viard - Grandes chroniques de France - Tome 3.djvu/181

empereres en acroistre son roiaume et en plessier^[1] et sozmetre ses anemis, et assiduement ententis à guerroier en toutes les parties du monde en un meesme tens, si ne demoroit-il pas pour ce que il ne fust curieus des ovres de misericorde, car il edifia eglises et abbaïes en divers lieus, à l’onor de Dieu et au porfit de s’ame. Aucunes en commença et aucunes en parfist. Entre les autres fonda l’eglise d’Aes la Chapele, d’ovre merveilleuse, en l’onor Nostre Dame Sainte Marie. En la cité de Maience fist un pont sor le Rim de l pas^[2] de lonc, car tant a li flueves de large là endroit. Mès cil ponz ardi un an avant que il moreust, ne puis ne pot estre refaiz pour ce que il morut trop tost. Si avoit-il en propos que il le refeist tout de pierre. Divers palais commença en divers lieus d’ovres merveilleuses et costouses. Un en fist auques près de la cité de Maience, delez une ville qui a non Geleham^[3]. Un autre en la cité^[4],

1. Plessier, dompter.
2. Il faut lire cinq cents pas, « quingentorum passuum longitudinis ».
3. « Juxta villam cujus vocabulum est Ingelheim », auj. Ingelheim. Voir ci-dessus, p. 61, note 3.
4. Il faut aujouter : de Nimègue, suivant le texte latin : « Alterum Noviomagi super Vahalem fluvium. »