derechief, selonc le rivage de la mer, jusques à Rouen. Saine passa et s’en ala droit à Tours pour faire ses offrendes et ses oroisons en l’eglise Saint Martin. Aucuns jors i demora pour une maladie qui prist la roine[1]. Là meismes morut et fu ensepouturée en l’eglise, en la seconde none de juim[2]. De là se mist li rois au retor ; par la cité d’Orliens retorna à Paris et puis s’en ala à Es la Chapele[3]. En la cité de Maience asembla parlement.
Après ces choses assembla ost et mut en Lombardie, en la cité de Ravenne vint ; là demora vii jors tant seulement. A son fil Pepin livra son ost et li commanda que il s’en alast en la duchée de Bonivent. Ovec lui mut li rois de Ravenne et vindrent ensemble jusques en la contée d’Ancône[4]. Li apostoiles Lyons li ala à l’encontre, le jor devant que il entrast en la cité, jusques à une vile qui a non Nomentium[5]. A grant joie et à grant honor le reçut li rois, et quant il orent ensemble mengié, li apostoles se parti de li et s’en ala devant à Rome. L’endemain entra li rois en la cité, et li apostoiles fu au devant sor les degrez de l’eglise Saint Pere, à grant compagnie des
- ↑ Liutgarde.
- ↑ Le 4 juin.
- ↑ Le royal ms. 16 G VI, fol. 138 vo, ajoute : « Et le mois d’aoust ensuivant, en la cité de Maience », etc., pour traduire plus exactement le texte latin : « Et mense augusto inchoante, Mogontiacum veniuens », etc.
- ↑ Le royal ms. 16 G VI, fol. 138 vo, ajoute : « Qui est en Ytalie. »
- ↑ « Apud Nomentum », auj. Mentana, prov. et district de Rome, à vingt-deux kilomètres nord-est de cette ville.
