[1]Li ainnez des fiuz le roi, qui avoit non Pepins[2], fist en ce tens conjuration contre son pere entre li et aucuns des François. La raison de cest conjuration si fu, si come il disoient, pour ce que il ne pooient plus soufrir la cruauté la roine Fastrade. De ceste traïson fu li rois acointiez par un Lombart qui avoit non Phardulfes[3] ; et pour ce que il en ot le roi acointié premierement et que il garda sa loiauté envers le roi, il le fist rendre en l’abbeïe Saint Denis, et tuit li autre qui orent esté parçonier de la traïson furent dampné, selonc les loys, des chiés perdanz et d’autres paines, car li un orent les chiés copez et li autre furent occis de glaives, et li autre furent pendu. Tot cel yver se tint li rois en Baiviere pour la bataille que il avoit receue contre les Huns, et fist tandis faire un pont de nés sor la Dynoe por passer et rapasser sanz encombrier, totes les foiz que mestiers en seroit. En ce païs meismes fist la sollempnité de Noël et de Pasques.
[4]Moult desirroit li rois amener à fin la guerre que il avoit receue contre les Huns. En ce point que il ordenoit ses besoignes pour entrer en Pannonie, noveles li vindrent que li oz le conte Thyerri, que il avoit mené
- ↑ Ici le ms. fr. 20350 de la Bibl. nat., fol. 82, donne la rubrique d’un douzième chapitre : Cy dist de la conspiracion Pepin le filz le grant Charles.
- ↑ Pépin le Bossu, fils de Charlemagne et de sa première concubine Himiltrude. Après cette conspiration, il fut relégué à l’abbaye de Saint-Gall, puis à Prüm, où il mourut en 811.
- ↑ Faradulfe succéda comme abbé de Saint-Denis à Maginaire mort en 792. Il fut un des Missi dominici de Charlemagne et mourut en 806 (D. Félibien, Histoire de l’abbaye de Saint-Denis, p. 62 à 64).
- ↑ Annales d’Éginhard, année 793.
