Au bruict de votre nom les postillons d’Eole
Furent (bien que mutins) à l’instant apaisez.
Si bien que j’escoutois d’Echo la resonnance
Et recevois des dieux les revelations :
Grand pouvoir de vos yeux, dont la seule ordonnance
Faict reserrer les vents dedans leurs regions.
Je suis donc faict savant au gré de vostre envie,
De mille plaisans traicts qu’a faict nostre courtaut,
Et l’Echo m’a conté qu’il y va de sa vie
Si, pour s’en exempter, il ne gaigne le haut.
Mais, pour ce que je voy la matière un peu grande
Et qu’il y faut donner du temps et du loisir,
Je vous veux supplier d’accorder ma demande
Et remettre à demain ce discours de plaisir.
Aussy bien je cognois que ce que j’en sçay touche
À ce pauvre chastré dont tout le monde rit :
C’est pourquoy j’ayme mieux vous le dire de bouche,
Pour le favoriser, que non pas par escrit.
étoit en effet de deux couleurs. Un fol, comme celui qui parle dans ces stances, pouvoit bien s’exprimer ainsi. Les badins, selon Henri Estienne, dans la préface de son Apologie pour Hérodote, portoient des « robes bigarrées de bandes larges. »
