dicieux jugement accoustumé, les justes demandes de ladicte Moreau, et sur l’exemple de l’Emperiera Pulceries, femme de l’empereur Marchian, laquelle, pour estre mariée, ne perdit point sa virginité, ne fut pas femme en verité, mais de nom seulement.
Disoit davantage que, si c’est une servitude très miserable qu’un vieil mary, on devoit estimer que c’estoit le comble de tous les malheurs d’en avoir un froid et languissant, glacé jusque à la moëlle des os, qui ne peut rien faire de ce qu’il a promis à sa femme, comme n’estant chose qui soit en sa puissance ; qui contrefaict l’homme, et ne l’est qu’en apparence et de gestes seulement, sous la couverture de mariage.
Que c’est grande pitié d’espouser un homme, ou un estropiat, et à plus forte raison celuy qui est plus froid que la neige par tous ses membres,
… Cui minimus gelido jam corpore sanguis4,
Coitus cui longa oblivio : velsi ;
Coneris, jacet exiguus cum ramice nervus,
Et, quamvis tota palpetur nocte, quiescit.
… Merito suspecta libido est
Quæ venerem affectat sine viribus.
Voilà quels estoient les plaidoyez de la demanderesse contre le dict Picot, son mary.
Lesquelles raisons aportées par la dicte Moreau, comme l’appelant estant aux foibles reparties dudict mary, qui seroient ennuyant d’inserrer en ce petit
4. Ces vers sont des débris mutilés et intervertis de la satire X de Juvenal, v. 204–217.
