cueilleroit à son aise les fruicts qu’il s’en estoit promis ; et cependant il entretenoit sa duperie par quelques baisers, dont il ne luy estoit point chiche.
Le lendemain venu, le filou se leva environ une heure avant le jour, et, faisant semblant de craindre de n’estre pas assez matinière1 pour aller aux espousailles, il esveilla Orcandre et luy dict : Monsieur, avez-vous oublié ce qui fut resolu hier au soir avec messieurs vos amis et connoissans ? Prener garde : je m’assure qu’ils seront bien tost icy. Et ayant dit la mesme chose à la dite de Vaugrin, pour rendre sa fuitte moins dangereuse, il demanda si l’on ne pourroit point avoir de la lumière pour s’habiller, afin que ces messieurs venant ils les trouvassent tous prests. Et la dite de Vaugrin luy ayant respondu qu’elle alloit se lever, et qu’en après elle trouveroit bien moyen d’allumer la chandelle, le filou, encores qu’il sceust bien qu’il ne falloit que sortir la porte de la chambre pour aller aux aisemens, luy repart : Vrayment, Madame, vous ne me sçauriez obliger d’avantage qu’en faisant ce que vous dictes : car, estant extremement pressée, comme je suis, d’aller à la scelle, je ne puis guères attendre davantage et n’ose en entreprendre le chemin sans lumière, craignant que les aisemens ne soient fort esloignez de ceste chambre et de me blesser en la montée, où il faict encore bien noir. La bonne femme de Vaugrin, ne se deffiant de rien, luy repart de rechef : Puis que vous estes si pressée, vous n’a-
1. Le mot matinier se disoit alors pour matinal. On ne dit plus guère matinière qu’à propos de l’étoile du matin.
