tre et expliquer en ces Stances du Mariage, où il commence1 :
De toutes les fureurs dont nous sommes pressez,
De tout ce que les cieux, ardemment courroucez,
Peuvent darder sur nous de tonnerre et d’orage,
D’angoisses2, de langueurs, de mœurtre ensanglanté,
De soucys, de travaux, de faim, de pauvreté,
Rien n’approche en rigueur la loy de mariage.
Il vaudroit beaucoup mieux que nostre premier père, lors de sa creation, fust demeuré en cest estat d’innocence, sans avoir effrenement desiré une compagne et abandonné en luy-mesme ceste perfection et prerogative que nostre Dieu luy avoit donnée en sa creation, et mis en fief comme un tiltre d’aisnesse et premier et unique en son estre, ce que les anciens appellent androgine, quy est à dire tout un en sa perfection. Neantmoins, curieux de son malheur et du nostre, il suscita nostre Dieu de l’assister d’une compagne, ce quy luy fut accordé, et tirée de soy-mesme, quy nous apporta pour douaire tous les malheurs du monde dont elle nous a affublez, punition de Dieu quy envers nous se void journellement executée par tous les inconvenients quy nous surviennent, tant durant nostre vie que lors de nostre trepas ; le tout prevenu par ceste première association quy, à nos despens, a porté et porte encore tiltre de mariage envers les mortels,
1. Les Œuvres de Philippe Des Portes, abbé de Thiron, reveuez et corrigées, Rouen, 1591, in-12, p. 575, Stances du Mariage.
2. Var. : d’angoisseuses langueurs.
