Page:Van Bever - Blasons anatomiques du corps féminin, 1907.djvu/76

DU CORPS. FÉMININ 73 BLASON DU PIED [LANCELOT CARLÉS] Ceulx qui ont faict de l'oeil, bouche et oreille, Du noble cueur, du Tetin grand merveille, Hz en ont dit tant qu'il est impossible De dire mieulx d'une chose possible, Et ont voulu mettre entre les cinq sens Le cul, le c. n, et par leur gentil sens, Hz en ont faict trop mieulx que leur debvoir, Et du Genoil ce qu'homme en peult avoir Secrètement en ont dit en commun, Mais toutesfois ilz en ont laissé un Qui est parfaict et digne d'estre mis Au ranc où sont les principaulx amys, Qui sont commis pour porter tesmoignage Que des cinq sens chascun luy doibt hommage, Et sans mentir, aussi vray comme Dieu, Sans luy, eulx tous ne partiroient d'un lieu. ' C'est le gent pied messagier de l'esprit, C'est luy par qui est porté tout escript C'est luy qui faict entendre à la pensée Quant l'amour est par amour commencée. Et lors la main s'il luy plaist rien d'escripre, Soubdain le pied est prompt de l'aller dire, Car sans le Pied, nulle dame peult estre En lieu qui soit qu'il n'ait causé tel estre. S'elle est au lict, le pied l'y a portée, S'elle est aux champs, le pied l'a transportée. C'est donc le pied qui fait les sens mouvoir, C'est luy qui a sus les autres pouvoir