52 BLASONS ANATOMIQUES BLASON DU C.N DE LA PUCELLE CL. CHAPU[YS] C.n non pas c.., mais petit sadinet, C.., mon plaisir, mon gentil jardinet, Où ne fut oncq planté arbre ne souche C.., joli c... à la vermeille bouche, C.., mon petit mignon, ma petite fossette, C.. rebondy en forme de bossette ; C.. revestu d’une riche toyson De fin poil d’or en sa vraye saison ; C.. qui tant à de force et de puissance, C.. qui seul peult bailler la jouyssance ; C.. qui la main trop paresseuse et lente Rend, quand il veult, hardie et diligente. C.. qui commande à l’oeil de faire signe A cil qui tient de l’amour la plus digne ; Et qui ordonne à la bouche parler De tout plaisir et ennuy ravaller. C.. tu as bien la force et le pouvoir Ung tetin ferme esbranler et mouvoir. C.., tu n’es point de ces c.. furieux, Tu es le c.. très-beau et gratieux Qui n’a senty ceste doulce bataille : C.., il n’est point autre c.. qui te vaille ; C.. hault monté sur les cuisses tant fermes, Qui faict rempars aux assaulx et allarmes ; Tout ce qu’on faict, qu’on dict, ou qu’on procure, Tout ce qu’on veult, qu’on promet, qu’on assure, C’est pour le c.. tant digne décorer, Chascun te vient à genoux adorer.
Page:Van Bever - Blasons anatomiques du corps féminin, 1907.djvu/55
Cette page n’a pas encore été corrigée
