Blason du c..
L’oeil la pierre est qui la châsse décore,
Mais c.. le sainct que dedans on adore,
Et où chascun, en révérence grande,
A deux genoux vient offrir son offrande.
Or de la bouche elle a bien bonne grace,
Et croy pour vray que là premiere place
Doibt obtenir au service du c..
Car trop mieux qu’autre elle sçait sa leçon,
Pour refuser ou accorder l’entrée
De l’amoureuse et plaisante contrée ;
Touchant la main elle est propre et aduicte
Pour c.. servir de loyalle conduite,
Estre près de luy, et prompt à ses affaires
Les plus secretz et les plus nécessaires,
De ce tetin il n’en fault point mentir,
Je ne sçay quoy à qui le cueur sentir,
Prochain parent et de nature mesme
De ce c.. cy, qui est cher comme cresme.
Quant au regard de sa cuisse bien faicte,
Blanche, eslevée, dure et refaicte,
C’est le beau lict où le c.. se repose.
Ce c.. plaisant, ce c.. tant digne chose,
Que je puis dire et sans imputer vice,
Au résidu, tout faict pour son service :
Doncques du corps entier au departy,
Je prends le c.. pour le meilleur party.
