50 BLASONS ANATOMIQUES
Le poil doré, cela m’est peu, Mais que de ton bien soys repeu. Quant tout est dit, tout leur affaire Ne gist en rien qu’à te complaire, Parquoy c’est toy à qui me voue Et que sur tous j’estime et loue.
BLASON DU C.N. BOCHETEL
O c.n gentil, c.. mignon, c.. joly, C.. rondelet, c.. net, c.. bien poly, C.. ombragé d’un petit poil follet, C.. où n’y a rien difforme ou de laid. C.., petit c.., dont la bouche vermeille, A faict dresser à maint grand v.. l’oreille ; C.. que l’on doit plus qu’un sainct tenir cher, Quand ainsi faict resusciter la chair. O c..,qui peult a ta louenge tendre ? Où est l’engin qui te puisse comprendre ? C.. est d’amour le thresor et domaine, C.. la forge de quoy nature humaine Faict ses divins et excellens ouvrages. C.. est de mort reparant les dommages ; C.. est la fin dont amour se couronne, C.. est le prix dont amour se guerdonne. Somme, le c.., quand tout est bien compris, Sur le surplus doit emporter le pris. Il est bien vray que l’oeil l’amour attire, Mais le c.. est l’amour qui se désire.
