Petit en petit corps compris,
Mais de grand et excellent pris.
Cueur bening, cueur courtois, cueur doulx,
Cueur qui ne peult souffrir courroux,
Cueur gay, cueur joly, cueur parfaict,
Cueur qui n’est d’aucun vice infaict,
Cueur net, cueur sans aucune tache,
Cueur qui rien ne celé, ne cache
De ce qui doibt estre monstre,
O que tu as bien rencontré,
Mon cueur, d’avoir son alliance :
C’est un cueur qui n’a oubliance
Du plaisir qu’on tasche luy faire.
C’est un cueur de si bonne affaire,
Que quand il a moyen d’ayder,
Il ne luy fault point demander.
C’est un cueur qui a ce crédit,
Que ce qu’il veult est faict et dit.
C’est un cueur qui seul a puissance
De me faire avoir jouyssance.
C’est un cueur, quand tout est dit, tel
Qui semble n’estre point mortel.
C’est ung cueur sans qui le mien corps
Fust jà mis au nombre des morts,
C’est un cueur divin en ses faictz,
C’est ung cueur de si grans effectz,
Que nous n’y sçaurions rien entendre,
C’est un cueur qui fait entreprendre
Choses qui semblent impossibles.
C’est un cueur qui les invisibles
Nous fait passer devant les yeulx,
Et fait tousjours de mieulx en mieulx.
Page:Van Bever - Blasons anatomiques du corps féminin, 1907.djvu/47
Le texte de cette page a été corrigé et est conforme au fac-similé.
44
BLASONS ANATOMIQUES
