Larme qu’appaise et adoulcit les Dieux,
Voire esblouit et baigne leurs beaulx yeulx
Ayant pouvoir encor sur plus grand’chose,
Et si ne peult la flamme en mon cueur close
Diminuer, et tant soit peu esteindre,
Et toutesfois elle pourroit bien teindre
La jouë blanche et vermeille de celle,
Qui son vouloir jusques icy me celle.
O larme espaisse, ô compaigne secrette,
Qui sçais assez comment amour me traicte,
Sors de mes yeulx, non pas à grandz plains seaux,
Mais bien descendz à gros bruyans ruisseaux :
Et tellement excite ton pouvoir,
Que par pitié tu puisses esmouvoir
Celle qui n’a commiseration
De ma tant grande, et longue passion.
BLASON DE L’OREILLE
Albert le Grand
reille blanche : clere et nette,
Oreille un petit rondelette,
Oreille ne grosse ne grasse,
Oreille de bien bonne grace,
Oreille qui n’est point trop grande,
Oreille à qui je ne demande
Tant seulement que d’estre ouy
Et qu’elle me face dire ouy.
Oreille belle entre cinq cens,
Oreille noble entre les sens,
