bien plus grande, s’il pense de m’avoir de l’obligation en m’offencant si cruellement que non pas en taisant mon nom, que je prendray au contraire pour une tres-grande recompense.
Alors le sage druide, ayant quelque temps passé le temps à les faire disputer, ordonna de cette sorte : Mes enfans, apres avoir meurement consideré vos differents, Je juge les conditions de vostre future amitié estans toutes pour conserver la liberté de laquelle vous y pretendez jouyr, il ne seroit pas raisonnable qu’elles l’ostassent à d’autres, ny qu’elles les obligeassent par force à choses contre leur volonté. Et pour ce, de tous ceux qui sont presents, ceux-là en seront les tesmoings qui les voudront estre, et les accusateurs aussi, qui en voudront prendre la peine. Et parce que vous jugez cet article estre digne d’estre adjousté aux autres que vous avez desja faict escrire, et que n’estant de vostre invention, vous ne voulez point vous en attribuer l’honneur, et que d’autre costé Silvandre n’y veut pas estre nommé, j’ordonne qu’il sera escrit, mais de cette sorte.
==Treiziesme et
