encores si petite qu’ils n’en firent point de cas ; seulement-ils luy conseillerent de demeurer au lict ce jour là, à cause du sang qu’il avoit perdu, tant par les chemins que durant le combat.
Galathée qui desiroit, avant que de partir de ce lieu, de faire ia le sacrifice qu’elle avoit resolu pour consulter l’Oracle, envoy querir des taureaux et autres choses necessaires pour le lendemain matin, puis qu’alors il estoit trop tard, et mesme que le chevalier estranger la supplia, qu’il peust en mesme temps consulter l’Oracle et joindre ensemble leurs sacrifices. Elle le permit pour le gratifier en cela, encores que ce ne fust pas bien la coustume, et cependant envoya de tous costez pour faire venir ses chariots, et faire chercher l’escuyer du chevalier incogneu.
Apres qu’ils eurent disné et que chacun estoit attendant nouvelles de ceux qui s’estoient escartez, Galathée s’estant assise au chevet du lict du chevalier, voyant qu’il y avoit un grand silence dans la chambre, elle luy dit : Il me semble, seigneur chevalier, qu’encores que nous vous ayons toutes beaucoup d’obligations du combat que vous avez faict contre l’outrecuidé Argan en nostre faveur, toutesfois vous nous estes encores obligé de quelque chose, car lors que nous vous avons prié de hausser vostre visiere nous vous avons ensemble supplié de nous dire vostre nom, et quelle fortune vous a conduit en ceste
