dire importunité, de tous ces chevaliers, afin que le temps qui me restoit peust estre employé aupres d’elle, ce qu’elle pourroit faire en feignant de se trouver mal, et que la longue demeure qu’ils avoient faite aupres de son lict en estoit cause. Elle y consentit, avec quelque peine, et soudain Delie leur alla donner à tous le bonsoir de sa part, et faire ses excuses de ce qu’elle se retiroit de si bonne heure.
Me voilà cependant seul aupres de ma belle maistresse, car Delie, de peur que personne m’y surprist, nous avoit enfermés dedans et avoit emporté la clef. L’amour alors et la commodité, me donnerent un grand assaut, car, aimant passionnement ceste belle dame, et, me voyant seul aupres d’elle, c’estoit assez pour me convier à la rechercher de quelque chose de plus. Mais il y avoit encores deux autres tres-grandes considerations : l’une, les asseurances qu’elle me donnoit de sa bien-vueillance, qui ne me devoit pas rendre peu hardy, et l’autre, les preceptes, que j’avois du grand Euric, de ne point perdre l’occasion.
Et toutesfois, jugez, madame, de quelle qualité est l’affection que j’ay pour vous ! Vous sçavez bien que je ne vous en fis point d’autre semblant, sinon que, me mettant à genoux au chevet de vostre lict, et vous prenant une main, je la vous baisay avec un grand souspir, tant le respect qui accompagne tousjours un grand amour eut alors de pouvoir sur
