pas seulement donné, mais la volonté, l’ame et la vie aussi. Et si vous aviez du courage, vous qui me reprochez d’en avoir si peu, vous ne voudriez pas esprouver votre valeur ny vostre force contre une personne sans deffence, comme je suis ; ou bien si, en toute façon, vous desirez d’essayer la force de mes armes, vous me devriez conduire où est mon cœur, afin, qu’alors, sans supercherie, vous fissiez sur moy la preuve de ce que vous valez. Mais certes, maintenant, quel honneur sera le vostre de vaincre une personne desja vaincue ? II sera, ô belle Diane, tout tel que si vous donniez des coups de lance à celuy qui seroit desja mort, qui est proprement blesser d’autres blesseures.
Je vous entends bien, me dit-elle ; vous voudriez que je vous menasse promptement vers Daphnide ; mais ne croyez point, Alcidon, que nostre inimitié soit si cruelle, que je ne l’eusse desja faict, s’il eust esté temps. Voyez-vous, dit-elle alors, ceste fenestre où il y a des ballustres qui se jettent un peu en dehors ; c’est celle-là de la chambre de Daphnide. Quand il sera temps que vous y alliez, on y mettra un flambeau pour nous en advertir. Mais asseurez-vous que, si vous avez de la peine icy vostre maistresse n’en a pas moins où elle est, à se demesler de tant d’importuns qui, comme de fascheuses mouches, lui sont continuellement à l’entour, et mesme de son beau-frere, qui, pensant luy faire plaisir, ne
