XII
Vainement je les reclame,
Puis qu’amoureux de ma dame,
Ils m’en esloignent d’aupres
Tout exprés.
XIII
Mais en vain, remplis d’envie,
Vous nous troublez nostre vie :
Nos nœuds sont, et nos liens,
Gordiens.
Ainsi s’en alla le gentil Andrimarte, plus desireux de revenir, que d’estre possesseur de la Gaule Armorique.
Je ne vous raconteray point icy, madame, la reception qui luy fut faicte, tant par Semnon que par ses peuples, qui ayans sceu la volonté de leur seigneur, s’estoient preparez à le recepvoir avec toute sorte d’honneur, et de contentement, infiniment resjouys de l’eslection que leur bon duc en avoit faicte, tant pour Silviane, que pour estre leur seigneur apres luy, car cela ne faict rien au discours que vous desirez sçavoir de moy. Il suffira de dire que Semnon, apres l’avoir receu avec toute sorte de magnificence, et retenu quelque temps aupres de luy, luy accorda non seulement Silviane, comme il desiroit, mais de plus, le fit proclamer
