Page:Urfé - L’Astrée, Troisième partie, 1631.djvu/1084

d’elle qu’il vous sera possible, et ne l’esloigner qu’à toute force. Que si c’est vostre dessein, je suis d’advis, et je sçay que vous luy ferez plaisir que vous suppliez Adamas de nous laisser icy et elle et moy encores pour quelques jours, ce que vous pouvez demander sous sa feinte maladie ; car voyant qu’elle n’avoit pas envie de s’en aller si tost de ce beau lieu, je luy ay donné conseil de se retirer, et faire semblant d’estre malade, pour avoir excuse de demeurer. Et vous voyez qu’il semble que la fortune vous y vueille favoriser, puis qu’Alexis s’estant ce matin vestue de vos habits, sans autre dessein que de passer son temps, elle a toutesfois donné couverture à vostre demande, parce qu’il y a peu de personnes qui l’ayent recogneue pour Alexis, et la pluspart croyent qu’elle se trouve mal. Et quoy qu’Adamas sçache bien que cela n’est pas, toutesfois il sera bien aise de faire semblant de le penser, pour avoir excuse de ne la point emmener vers Galathée, car il y a long temps qu’elle desire de la voir, et la retirer aupres d’elle, mais Adamas ne le veut pas, ayant dessein qu’elle continue de vivre comme elle a commencé, puis que Tautates monstre de l’avoir si agreable