y a un siecle que vous estes esloignée d’elle. – Nous la verrons bien-tost, respondit Galathée, puis que Damon est en estat de monter à cheval, n’ayant pas esté raisonnable de le laisser au lict, puis qu’il avoit receu ces blesseures en nous deffendant contre l’injurieux Argantée.
Et à ce mot, faisant signe qu’on deservist, elle se retira incontinent apres dans la chambre, où elle fit appeller le chevalier, pour entendre ce qu’il avoit à luy dire, et parce qu’elle estoit en impatience de sçavoir ce que se pouvoit estre : Ma mere, dict la nymphe, a-t’elle eu quelque nouvelle de l’armée des Francs, et comment se porte Clidaman ? – Madame, respondit le chevalier, elle en a veritablement receu ce matin, qui ne doivent pas estre trop bonnes, mais elle desire de les vous communiquer elle-mesme, et vous prie de la venir incontinent trouver. Elle m’a dict que je vous fisse entendre que les Francs ont fait un grand tumulte contre le roy Childeric, qui a esté contraint de se retirer en Thuringe vers le roy Bissin. Je crains grandement que cela n’aye pas esté fait sans beaucoup de sang respandu, et vous sçavez que Clidaman, Lindamor et Guyemants estoient ordinairement aupres de luy. Dieu vueille qu’il ne leur soit point arrivé quelque mal-heur. D’une chose, madame, vous puis-je bien asseurer, qu’elle est fort triste, et fort en peine, et troublée, et qu’elle desire grandement de parler
