Cette page n’a pas encore été corrigée
TROISIESME PARTIE
LIVRE UNZIESME
Lerindas, pour ne laisser longuement en attente la nymphe Galathée, se hasta le plus qu’il luy fut possible de retourner à Mont-verdun ; et parce qu’il marchoit fort bien, et qu’il estoit infiniment desireux de complaire à sa maistresse, il se diligenta de sorte que, quand il arriva, elle ne faisoit que de se mettre à table : Madame, luy dit-il, Adamas n’a peu retarder le sacrifice, d’autant que tout le peuple estoit desja assemblé, mais parce que je luy ay dit que vous seriez bien aise de voir ces belles bergeres de Lignon, il vous mande qu’il les vous amenera toutes icy, si toutesfois vous y demeurez quelque temps. – Je suis
