trois. portes sont dediées à trois de leurs dieux, ou pour mieux dire, à Dieu sous trois divers noms, à sçavoir : l’une à Hesus, que l’on consultoit quand il falloit faire la guerre ; l’autre, à Taramis, où les choses futures s’apprenoient; et l’autre, à Belenus où les amants addressoient leurs sacrifices et supplications ; et jamais ces portes ne s’ouvroient toutes à la fois, que le sixiesme de la lune de juillet qu’ayant cueiliy le guy, ils en venoient jetter des branches dedans. Que si alors ladame de la province se trouvoit encor fille, il luy estoit permis d’entrer dans la caverne, choisissant pour son chevalier celuy qu’elle vouloit pour son mary, avec lequel et le grand druide, ils visitoient prendre tout ce qui estoit dans ceste caverne, et voyoient toutes les merveilles que le grand druide y avoit laissées.
Or ce fut en ce lieu où Adamas dés le matin s’achemina avec Leonide, pour consulter Taramis. Et apres avoir fait le sacrifice des toreaux blancs, selon leur coustume, et que Cleontine eust esté ceinte de verveine, et eust jetté du sang du sacrifice contre l’entrée, elle mit du laurier dans sa bouche, le macha, et touchant la serrure avec une branche de guy, les portes incontinent s’ouvrirent avec un grand bruict, et elle, se tenant à l’un des gonds, pancha tout le corps en dedans, et recevant en pleine bouche le vent qui en murmurant, venoit de la caverne,
