la pierre en est jettée, s’abrege ou s’estende ma vie comme il plaira aux dieux et à ma destinée, mais je ne cesseray d’aimer le souvenir de Ligdamon, de cherir son amitié et d’honorer ses vertus. Galathée cependant ouvrit la lettre que estoit demeurée entre les mains de Leonide. Elle trouva qu’elle estoit telle.
Lettre de Ligdamon à Silvie
Si vous avez été offensée de l’outrecuidance qui m’a poussé à vous aimer, ma mort que s’en est ensuivie vous vengera. Que si elle vous est indifferente, je m’asseure que ce dernier acte de mon affection me gaignera quelque chose de plus avantageux en vostre ame. S’il advient ainsi, je cheris la ressemblance de Lydias plus que ma naissance, puis que par elle je vins au monde pour vous estre ennuyeux, et que par celle-cy j’en sors vous estant agreable.
Sonnet sur le tombeau d’un mary jaloux
Dessous son pasle effroy ceste tombe relante
Tient enclos l’ennemi du grand dieu Cupidon:
De sa temerité la mort fut le guerdon,
Mort qui selon nos voeux fut encore trop lente.
C’est ce tyran cruel, dont la force insolente
Rendroit larcin d’amour ce qui doit estre un don,
Et desdaignant le feux, et l’amoureux brandon,
Rentenoit la pitié, deseperoit l’attente.
C’est ce jaloux Argus dont les cent yeux tousjours
Curieux importuns veillloient sur
