Le texte de cette page a été corrigé et est conforme au fac-similé.
L’ABSENCE DE PHILLIS.
ELEGIE POUR VN ROMANT.
OIN de Phillis, ou pluſtoſt de moy meſme,
Pardonnez moy, Grands Dieux, ſi ie blaſpheme ;
Vn plus ſenſible & plus cruel tourment
Ne me pouuoit troubler le iugement.
Si les rigueurs que mon cœur vous reproche
M’auoient lié ſur le haut d’vne Roche,
En vn deſert ou le bec d’vn Vaultour
Vint en mon ſein ſe cacher nuict & iour :
Si vostre haine à mon repos fatale
Me condamnoit aux peines de Tantale
Qui de l’eſpoir animant ſon deſir,
Bruſle touſiours à l’ombre du plaiſir :
Si le treſpas que i’apelle à mon aide,
Et dont l’atteinte eſt mon dernier remede,
M’auoit conduit au plus creux des Enfers ;
I’en benirois les flames & les fers.
Ie me prendrois de mes maux à mes crimes ;
Ie trouuerois vos Arreſts legitimes,
