PRIVILEGE DV ROY.
Ovis par la grace de diev Roy de France et de Navarre : À nos Amez & Feaux Conſeillers les Gens tenans nos Cours de Parlement à Paris, Thoulouze, Roüen, Bordeaux, Aix, Grenoble, Dijon, Rennes, Metz : Maiſtres des Requeſtes ordinaires de noſtre Hoſtel, Preuoſt de Paris, Baillifs, Seneſchaux, & tous autres nos Officiers & Iusticiers qu’il appartiendra, Salut : Noſtre bien aimé Pierre Billaine, Marchand Libraire en l’Vniuersité de noſtre ville de Paris, nous a fait remonſtrer qu’il a recouuert vn Liure intitulé, Les œuures Poëtiques du ſieur Triſtan, Lequel Liure il deſireroit faire imprimer ; mais il craint qu’apres auoir fait de grands frais & deſpences pour l’impresſſion d’iceluy, quelques autres le vouluſſent entreprendre à ſon preiudice, s’il ne luy eſtoit pourueu de nos Lettres à ce neceſſaires ; Requerant humblement icelles, À ces cavses, deſirant fauorablement traitter ledit expoſant, luy auons permis & octroyé, permettons et octroyons par ces preſentes, d’imprimer ou faire imprimer, vendre & diſtribuer ledit Liure, en tel volume & caractere que bon luy ſemblera, & ce durant le temps & eſpace de neuf ans, à compter du iour que ledit Liure aura eſté acheué d’imprimer ; Faiſant deffence à toutes perſonnes de quelque qualité qu’ils ſoient, d’imprimer, vendre & debiter ledit Liure en quelque façon & maniere que ce ſoit, ſur peine de deux mil liures d’amande, applicable moitié à nous & l’autre moitié audit Billaine, auec confiſcation de tous les exemplaires qui ſe pourront
