La, parmy des Iaſmins plantez confuſément,
Et dont le doux eſprit à toute heure s’exhale ;
Cependant que par tout le chaud eſt vehement,
On ſe peut garantir du hâle ;
Et ſe perdre aiſément dans ce plaiſant Dedale
Comme entre mille aymables nœux
Mon Ame ſe perdit parmy vos beaux cheueux.
Vne Grote ſuperbe & de rochers de prix
Que des Pins orgueilleux couronnent de feüillage ;
Y garde la fraiſcheur ſouz ſes riches lambris
Qui ſont d’vn rare coquillage :
Mille ſecrets tuyaux cachez ſur ſon paſſage,
Moüillent ſoudain les imprudens
Qui ſans diſcretion veulent entrer dedans.
D’vn coſté l’on y void vne petite Mer
Que trauerſe en nageant, vn amoureux Leandre.
De rage, autour de luy l’onde vient eſcumer
Et luy, taſche de s’en deffendre ;
Aperceuant Hero qui veille pour l’attendre,
Et d’impatience & d’amour,
Bruſle auec ſon flambeau ſur le haut d’vne Tour.
Page:Tristan L’Hermite - Les Amours de Tristan, 1638.djvu/181
Le texte de cette page a été corrigé et est conforme au fac-similé.
