Soleil, depuis le temps que portant la clarté
Tu diſpenſes par tout la chaleur & la vie,
Viſitant l’Vniuers, voy tu quelque Beauté
De qui l’eſclat te face enuie
Comme font auiourd’huy les beaux yeux de Siluie ?
Et deſſous l’amoureuſe loy
Cognoy tu quelque Amant plus mal traité que moy ?
Depuis que ie la ſers, les Cieux m’en ſont teſmoins,
Les ſoupirs & les pleurs ſont mes ſeuls exercices ;
Mais l’ingrate qu’elle est, rebute tous mes ſoins
Et ſe rit de tous mes ſupplices,
Et le reſſentiment de tant de longs ſeruices
Ne ſçauroit porter ſon orgueil
À tourner ſeulement les yeux vers mon Cercueil.
Cruelle, à qui mes maux ne font point de pitié,
Et que par mes deuoirs ie rens plus inhumaine ;
Obiet, dont mon amour acroiſt l’inimitié
Et qui vous moquez de ma peine,
M’ayant reduit au point d’vne mort ſi prochaine,
Au moins, ſi vous ne me pleignez,
Conſiderez un peu ce que vous deſdaignez.
Page:Tristan L’Hermite - Les Amours de Tristan, 1638.djvu/175
Le texte de cette page a été corrigé et est conforme au fac-similé.