Cette page a été validée par deux contributeurs.
N’eußions nous nul teſmoin qu’Amour
Au plus ſolitaire ſeiour
Dont toute clarté fust bannie ;
L’ombre de ce Monstre d’honneur
Auec aſſez de tyrannie
S’oppoſeroit à mon bon-heur.
LA GOVVERNANTE IMPORTUNE.
STANCES.
IEVX Singe au viſage froncé
De qui tous les Pages ſe rient
Et dont le ſeul nom prononcé
Fait taire les enfans qui crient.
Vieux ſimulachre de la Mort,
Qui nous importunes ſi fort
Par le chagrin de ta vieilleſſe ;
À parler ſans déguiſement,
Le temps auec trop de pareſſe
Te traine vers le monument.
