CHAPITRE LXXXI.
Païs de Canada subiet à tremblement de terre et pourquoy. Ceste region de Canada est merueilleusement subiette aux tremblemês de terre[1]. et aux gresles : dont ce pauure peuple ignorant les choses naturelles, et encores plus les celestes tombêt en une peur extreme, encores que teles choses leur soyent frequentes et familieres, ils estiment que cela prouient de leurs Dieux, pour les auoir irritez et faschez. Toutesfois le tremblemêt de terre naturel, ne vient sinon des vents enfermez par quelques cauitez de la terre, lesquelz par grande agitation la font mouuoir, comme ils font sur la terre trembler arbres et autres choses : comme dispute tresbien Aristote[2] en ses Meteores. Gresle frequente en Canada. Quant à la gresle ce n’est merueille si elle y est frequête, pour l’intemperature et inclemence de l’air, autant froid en sa moyenne region qu’en la plus basse, pour la distance du Soleil, qui n’en approche plus pres, que quâd il vient à