nauigation : et les ayans de rechef amenez, ont pris le Christianisme, et sont ainsi decedez en France. Et n’a oncques esté entendue la manière de viure de ces premiers Barbares, ne de ce qu’il y a en leur païs et région, pour ce qu’elle n’a esté hantée ne autrement traffiquée.
CHAPITRE LXXVI.
Autre region de Canada decouuerte par Ia. Quartier. Quant à l’autre partie de ceste région de Canada, où se tiennent et frequentent les derniers Sauuages, elle a esté depuis decouuerte entre ledit fleuue de Chelogua, plus de trois à quatre cens lieues par ledit Quartier, auecques le cômandement du Roy : où il a trouué le païs fort peuplé, tant en sa seconde que première nauigation. Mœurs amiables de ces Canadiês. Le peuple est autant obéissant et amiable qu’il est possible, et aussi familier, que si de tout temps eussent esté nourris ensemble, sans aucun signe de mauuais vouloir, ne autre rigueur. Et ilec fist ledit
