les ay veu faire si grand bruit autour de noz nauires, qu’à bien grande difficulté nous nous pouuions ouyr parler l’un l’autre. Que si cela aduient pour la chaleur du Soleil, ou pour autre raison, ie m’en rapporte aux philosophes. Eau marine douce soubz l’Equinoctial. Reste à dire, qu’enuiron nostre Equinoctial, i’ay experimenté l’eau y estre plus douce, et plaisante à boire qu’en autres endroits où elle est fort salée, côbien que plusieurs maintiennèt le côtraire, estimàts deuoir estre plus salée, d’autât que plus pres elle approche de la ligne, où est la chaleur plus vehemente : attêdu que de là vient l’adustiô et saleure de mer : parquoy estre plus douce, celle qui approche des poles. Ie croirais veritablemêt que depuis l’un et l’autre pole iusques à la ligne aïsi que l’air n’est egalemèt têperé, n’estre aussi l’eau temperée : mais soubs la ligne la temperature de l’eau suyure la bonne têperature de l’air. Parquoy y a quelque raison que l’eau en cest endroit ne soit tant salée comme autre part. Ceste ligne passée commençasmes à trouuer de plus en plus la mer calme et paisible, tirants vers le cap de Bonne Esperance.
Page:Thevet - La France antarctique - Gaffarel, 1878.djvu/162
Le texte de cette page a été corrigé et est conforme au fac-similé.
