terre meridionale, qui a esté decouuerte de nostre temps. Et quant et quàt plusieurs choses ont esté adioustées[1] aux escrits de Ptolemée que l’on peut voir à la table generale, qui est proprement de luy. Parquoy le lecteur simple, n’ayant pas beaucoup versé en la Cosmographie et cognoissance des choses, notera que tout le monde inferieur est diuisé par les anciens en trois parties inegales, à scauoir Europe, Asie, et Afrique : desquelles ils ont escrit les uns à la verité, les autres ce que bon leur a semblé, sans toutesfois rien toucher des Indes occidètales, qui font auiourd’huy la quatriesme partie du mode, découuertes par les modernes : côme aussi a esté la plus grand part des Indes Oriêtales, Calicut et autres. Nouueau monde. Quât à celles de l’Ocident, la Frâce Antarctique, Peru, Mexique, on les appelle auiourd’hui vulgairemêt, le nouueau Monde, voire iusques au cinquante deuziesme degré et demy de la ligne, où est le destroit de Magello, et plusieurs autres provinces du costé du North, et du Su à costé du Leuàt et au bas du Tropique de Capricorne en l’Oceà meridional : et à la terre Septêtrionale : desquelles Arrian, Pline, et autres historiographes n’ôt fait aucune mêtion qu’elles ayent esté découuertes, de leurs tèps. Isles Hesperides découuertes autresfois par les Carthaginois.Quelques uns[2] ont bien fait mentiô d’aucunes isles qui furêt decouuertes par les Carthaginois, mais i’estimeroys estre les isles
- ↑ Ce fut en effet l’habitude d’ajouter les découvertes récentes aux éditions de Ptolémée. Voir les éditions de Ptolémée imprimées au XVIe siècle, et particulièrement celles de Ruscelli.
- ↑ Voir Aristote. De mirabilibus auscultationibus. § 84. Diodore de Sicile. V I. 9-20. Cf. P. Gaffarel. Les Phéniciens en Amérique.
