Almadies. Ils combattent sus l’eau le plus souuent auec petites barques[1], faittes d’escorche de bois, de quatre brassées de long, qu’ils nommèt en leur langue Almadies. Leurs armes sont arcs et flesches fort aiguës, et enuenimées, tellement qu’il n’est possible de se sauuer, qui en a esté frappé. Dauantage ils usent de bastons de cannes, garnis par le bout de quelques dents de beste ou poisson, au lieu de fer, desquels il se sçauent fort bien aider. Quand ils prennèt leurs ennemys en guerre, ils les reseruent à vendre aux estràgers, pour auoir autre marchandise (car il n’y a usage d’aucune mônoye) sans les tuer et manger : comme sont les Cànibales, et ceux du Bresil. Nigritis fl. maintenât Senega. Ie ne veux omettre que ioignant ceste contrée, y a un tresbeau fleuue, nômé Nigritis, et depuis Senega, qui est de mesme nature que le Nil dôt il pracede, ainsi que veulèt plusieurs, lequel passe par la haute Libye, et le royaume d’Orgueue, trauersant par le milieu de ce païs et l’arrosant, comme le Nil fait l’Egypte : et pour ceste raison a esté appellé Senega. Les Espagnols ont voulu plusieurs fois par sus ce fleuue entrer dedans le païs, et le subiuguer : et de fait quelquefois ont entré bien quatre vingts lieues : mais ne pouuans aucunemêèt adoucir les gens du païs, estranges et barbares, pour euiter plus grands inconueniens se sont retirez. La traffique de ces sauuages est en esclaues, en bœufs,
- ↑ Cadamosto (La prima Navigations per l’oceano aile terre de negri) fut ainsi attaqué près du cap Vert par trois pirogues chargées de nègres. La victoire fut facile, et son humanité la rendit aussi peu sanglante que possible.
