la bonté du territoire. Ie sçay bien que Cyrus Roy des Medes et Assyriens, auant que d’auoir conquesté l’Egypte[1], feit plâter grand nombre de plantes, lesquelles il feit apporter de Syrie, qui depuis ont rapporté de bons vins, mais qui n’ont surpassé toutesfois ceux de Madere. Maluaisie de Candie. Et quant au vin de Candie, combien que les maluaises y soyent fort excellentes, ainsi que Candie. anciennement elles ont esté grandement estimées és banquets des Romains, une fois seulement par repas, pour faire bonne bouche : et estoyêt beaucoup plus celebrées que les vins de Chios, Metellin et du promontoire d’Aruoise, que pour son excellence et suauité à esté appellé bruuage des dieux. Vin de l’isle de Palme. Mais auiourd’huy ont acquis et gaigné reputation les vins de nostre Madere, et de l’isle de Palme[2], l’une des Canaries, ou croist vin blanc, rouge et clairet : dont il se fait grand traffique par Espagne et autres lieux. Le plus excellent se vend sus le lieu de neuf à dix ducats la pipe : duquel païs estant transporté ailleurs, est merueilleusement ardent, et plus tost venin aux hommes que nourrissement, s’il n’est pris auec grade discretion. Utilité du vin pris moderémêt. Platon a estimé le vin estre nourrissement tresbon, et bien familier au corps humain, excitant l’esprit à vertu et choses honestes, pourvu que lon en use modere-
- ↑ Erreur de Thevet : Cyrus ne conquit jamais l’Égypte, ce fut son fils Cambyse.
- ↑ Le vin de Palme est encore aujourd’hui fort renommé. D’après Bory De Saint-Vincent (ouv. cité. P. 215.) « la vigne y réussit à merveille et donne assez de vin pour qu’on puisse en exporter, ainsi que d’excellente eau-de-vie ».
