Cette page n’a pas encore été corrigée
Puis dulcement les ad baisez,
E les draguns tuz apaisez :
Fait les gesir cuntre terre
1724 Mult humlement e sanz guerre ;
Et le glaive fait retenir
A un angele qu’il fait venir ;
E l’entree est uverte :
1728 Tuit entrent en glorie certe.
Avant en vait cil juvenceals,
Par paraïs vait ovoec eals.
De beals bois e de rivere
1732 Veient terre mult plenere.
Gardins est la praierie
Qui tuz dis est beal flurie.
Li flur süef mult i flairent,
1736 Cum la u li piu repairent,
D’arbres, de flurs delicïus,
De fruit, d’udurs mult precïus ;
De runceie ne de cardunt
1740 Ne de orthie n’i ad fusun ;
D’arbre n’erbe n’i ad mie
Ki süaté ne rechrie.
Flurs e arbres tuz dis chargent,
