Cette page n’a pas encore été corrigée
Mais les gemmes funt granz lüurs
1680 Dum purplantez esteit li murs.
As gutes d’or grisolites
Mult i aveit d’isselites ;
Li murs flammet, tut abrase,
1684 De topaze, grisopase,
De jargunce, calcedoine,
D’esmaragde e sardoine ;
Jaspes od les amestistes
1688 Forment luisent par les listes ;
Li jacinctes clers i est il
Od le cristal e od le beril ;
L’un a l’altre dunet clartét :
1692 Chis asist fud mult enartét.
Lüur grande s’entreportent
Des colurs chi si resortent.
Li munt sunt halt, de marbre dur,
1696 U la mer bat mult luign del mur ;
E desur le munt marbrin
La muntaine est tute d’or fin ;
